L’occitan per comprene
Los noms de nòstres vilatges en occitan nos dison lo país.
Los escotar, los questionar es questionar e escotar los òmes que visquèron aquí desempuèi mai de mila ans e que parlavan occitan. Es crear un ligam entre las generacions que se son succedidas dins lo canton ont vivèm.
D’unes còps, nos dison la vegetacion que i aviá : Arboras es un bosquet, Jonquièra un endrech cobèrt de joncs, la boissièra un endrech cobèrt de boisses.
Nos pòdon parlar d’aiga o d’activitats passadas : Posòls es un potz pichon, Carabòta es un pichon batèu (Gar(r)abot en gascon).
Nos pòdon assabentar de la qualitat de la tèrra : Argelièr nos ditz qu’i a d’argela.
Se volètz aver una polida vista, segurament que n’i a a Belarga que ven de Bel esgar e vòl dire polit agach, polida vista.
Enfin, lo Poget, es un pichon puèg, puòg, pui qu’indican una nautor, una còla, un somet.
Mas avètz un autre mejan d’escotar los òmes que visquèron aquí desempuèi mai de mila ans, es d’escotar lo monde d’aicí per carrièra, benlèu basta de vos escotar parlar…
Cossí va la menina ? M’espantèt amb son ragost d’escobilhas.
E lo pichon cossí va, lo pichonet ? Quina banasta aquel pichonàs, bonhèt la veitura de son paire. Aquel falord, aquel capbordàs, aquel amòrri, ròtla coma un baug. Se va trapar un emplastre per son paire… E quand li volguèri dire, me tornèt : «vai t’en cagar la vinha». Pensi qu’i manca qualques jorns de cloca. |
L’occitan pour comprendre
Les noms de nos villages en occitan nous disent le pays.
Les écouter, les questionner, c’est questionner et écouter les hommes qui vécurent ici depuis plus de mile ans e qui parlaient occitan. C’est créer un lien entre les générations qui se sont succedées dans l’endroit où nous vivons.
Parfois, ils nous disent la végétation : Arboras est une touffe d’arbre, Jonquière un endroit couvert de joncs, La Boissière un endroit couvert de buis.
Il peuvent nous parler d’eau ou d’activités passées : Pousols est un petit puits, Carabotte un petit bateau ( Gar(r)abot en gascon).
Ils peuvent nous dire la qualité de la terre : Argellier nous dit qu’elle est d’argileuse.
Si vous voulez avoir une jolie vue, sûrement que vous en trouverez à Bélarga que vient de Bel esgar et veut dire «bel aspect beau regard».
Enfin Le Pouget, est un petit puèch, puoch, puy qui indiquent une hauteur, une colline, un sommet.
Mais vous avez un autre moyen d’écouter les hommes qui vécurent ici depuis plus de mille ans, c’est d’écouter les gens d’ici dans les rues, peut-être suffit-il de vous écouter parler…
Comment va la « ménine ? Elle m’a « espanté » avec son ragoût d’ « escobilles ».
Comment il va le « pichonet » ?
Quelle banaste ce « pichonas », il a « bugné » la voiture de son père. Ce « falourd, » ce « cabourdas », il roule comme un « bauch ». Il va s’attraper un « emplastre » par son père… Il m’a envoyé : «vai t’en cagar la vinha». Je pense qu’il lui manque quelques jours de « clouque ». |
